Թռիչքի ուշացման ժամանակ օդաչուն պիցցա է պատվիրել ինքնաթիռի բոլոր ուղևորների համար
Ամերիկայի քաղաքներից մեկում պիցցա առաքող ընկերություններից մեկի մենեջերը օրերս ստացել է իր կյանքի ամենաանսպասելի պատվերը. «Ես պետք է կերակրեմ ամբողջ ինքնաթիռին», -հայտնել է զանգահարողը:
Frontier Airlines ավիաընկերության Վաշինգտոնից Դենվեր մեկնող ինքնաթիռը ստիպված է եղել վթարային վայրէջք կատարել և մնալ Շայեն քաղաքում մի քանի ժամ եղանակային վատ պայմանների պատճառով: Քանի որ ինքնաթիռում առկա ամբողջ սնունդը վերջացել էր, օդաչուն բոլորի համար պատվիրել է …պիցցա: «Ինքնաթիռում 160 մարդ կա, ես ցանկանում եմ պատվիրել 38 պիցցա, որպեսզի բոլորին կավականացնի», – ասել է օդաչուն օպերատորին, ով ընդունել է պատվերը:
Ընկերության մամուլի ծառայությունը հայտարարել է, որ իրենք այդ քայլը արտասովոր չեն համարում: «Մեզ մոտ աշխատում են հրաշալի օդաչուներ», – իրավիճակը մեկնաբանել է Frontier Airlines-ի մամուլի ծառայության ներկայացուցիչը: