Ավիաուղևոր-համադամասերները կիսվում են «թռչող խոհանոցի» տպավորություններով
Ճանապահորդները սկսել են փոխանակվել ինքնաթիռի համադամասիրական տպավորություններով: Վերջին ժամանակներս ավիաուղևորները, այնպես ինչպես հայտնի ռեստորանների համադամասերները, սկսել են լուսանկարել ինքնաթիռի ուտեստները և տեղադրել դրանք սոցիալական ցանցերում: Ավիաընկերությունների «օդային» խոհանոցների մակարդակը այնքան է բարձրացել, որ ուղևորները ավելի հաճախ են սկսել համացանցում կիսվել կարծիքներով և խորհուրդներ տալ այս կամ այն ավիաընկերությունը՝ համեղ խոհանոցի տեսանկյունից. հայտնում է CNN -ը:
Ավելին, Airlinemeals.net կայքում ուղևորներն արդեն տեղադրել են ուտեստների 26 հազար լուսանկար՝ պատրաստված աշխարհի ավելի քան 600 ավիաընկերությունների խոհարարների կողմից: Դեռևս 10 տարի առաջ դժվար էր պատկերացնել, որ թռիչքի ընթացքում ավիաուղևորը կարող է վայելել խոհարարական որևէ «գլուխգործոց»: Այժմ հաճախ ճանապարհորդող ուղևորները քննադատում և վայելում են «ավիա-խոհանոցի» ուտեստները և ակտիվորեն քննարկում ավիաթռիչքի խոհարարական ասպեկտը համացանցի ամենահայտնի կայքերում:
