Ֆրանսիայի մեծագույն կատակերգուներից մեկի ծննդյան հարյուրամյակի կապակցությամբ փարիզյան Crous թանգարանը պատրաստել է բացառիկ ցուցահանդես` նվիրված նրա արվեստին: Ցուցահանդեսը ներառում է ավելի քան 300 ցուցանմուշ նրա անձնական հավաքածուից, որը նախկինում չի ցուցադրվել հանրությանը:
Կազմակերպիչների հավաստմամբ` ցուցահանդեսի նպատակն է փորձել բացատրելԼուի դե Ֆինեսի ֆենոմենը, բացահայտել նրա անմահ տաղանդի գաղտնիքը և նր մասին հիշեցնել երիտասարդներին: Ցուցանմուշների մեջ են բացառիկ լուսանկարներ, պաստառներ, սցենարային առարկաներ, դերասանի նամակները և հին կինոժապավեններ. հայտնում է Que Faire Paris-ը: Ամենաանսովոր ցուցանմուշներից մեկը դե Ֆյունեսի 3D կիսանդրին է` պատրաստված ֆրանսիացի նկարիչ Ռաբբի Յակոբի կողմից:
Այցելուները կարող են հիանալ դերասանի բազմաթիվ դիմանկարներով` արված նրա ժամանակակիցների, այդ թվում` որդու կողմից: Ցուցահանդեսի շրջանակներում կանցկացվեն կինոցուցադրություններ, հարցազրույցներ քննադատների հետ և սեմինարներ Լուի դե Ֆյունեսի ստեղծագործական կյանքի մասին: Ցուցահանդեսը կտևի մինչև մարտի 25-ը, մուտքը կլինի անվճար: