Շոտլանդիայի կենդանաբանական այգու պանդաները պարգևատրվել են տուրիզմի զարգացման համար

Շոտլանդիայի ազգային տուրիստական  VisitScotland գործակալությունը Էդինբուրգի կենդանաբանական այգու երկու հսկա պանդաներին՝ Տյան Տյանին և Յան Գուանին,  պարգևատրել է  «Շոտլանդական օրհնափուշ» (Scottish Thistle) անվանակարգում տուրիզմի զարգացմանը նպաստելու համար:

Անցած տարվա դեկտեմբերին այս հրաշալի կենդանիների՝ կենդանաբանական այգում հայտնվելուց հետո նրանց եկել են տեսնելու ավելի քան կես միլիոն մարդ: Ինչպես հայտնում է  VisitScotland-ը՝ Տյան Տյանի և Յան Գուանի մրցանակը պատրաստված էր բամբուկից, որով էլ նրանք սնվում են: