Էյֆելյան աշտարակի բնակելի ապարտամենտները, որտեղ Ֆուտբոլի Եվրոպայի առաջնության ընթացքում մեկ գիշերով կարող են բնակվել մի քանի մարդ, տեսանկարահանել են։ Շինության առաջին հարկում բանակցությունների սրահի ձևավորման վրա ծախսվել է 48 ժամ, հայտնում է Lenta-ն՝ հղում կատարելով The Daily Telegraph-ին։
Շուրջ 185 քառակուսի մետր մակերեսով ապարտամենտների վրա աշխատել է ֆրանսիացի դիզայներ Բենուա Լելյոն (Benoit Leleu)։ Հաստատությունում, մասնավորապես, տեղադրել են սեղանի ֆուտբոլի սարք և մեծ հեռուստատեսային էկրան։
Ինչպես արդեն հայտնել ենք՝ Փարիզի ամենահայտնի տեսարժան վայրի ներսում գիշեր անցկացնել մայիսին զբոսաշրջիկներին առաջարկել է HomeAway բնակարանների կարճաժամկետ վարձակալությունների ծառայությունը։ Դրա համար պետք էր մասնակցել մրցույթի՝ պատասխանելով «ինչ կանեիք դուք Էյֆելյան աշտարակի ապարտամենտում, եթե մնայիք այնտեղ մեկ գիշեր» հարցին։
Մրցանակի խաղարկությանը մասնակցել է շուրջ 150 հազար մարդ։ Նրանցից ընտրվել է չորս հաղթող։ Ակցիան անցկացվել է Եվրո-2016-ի առթիվ, որը մեկնարկել է հունիսի 10-ին Ֆրանսիայում։
