ЕСА International խորհրդատվական գործակալությունը հրապարակել է աշխարհի ամենաթանկարժեք քաղաքների ցանկը: Առաջին անգամ երեք տարվա ընթացքում Տոկիոն զիջել է առաջին տեղը և հայտնվել վեցերորդ տեղում: Թանկության առաջատար է դարձել Նորվեգիայի Օսլո քաղաքը: ЕСА-ն տարեկան երկու անգամ ստուգում է նվազագույն աշխատավարձի արժեքը` համեմատելով սպառողական զամբյուղի և ապրանքների ու ծառայությունների գների հետ աշխարհի ավելի քան 400 քաղաքներում: Համաձայն վերջին ուսումնասիրության` Օսլոն ճանաչվել է Եվրոպայի ամենաթանկարժեք քաղաքը, իսկ ամենամատչելին` Մոլդովայի Քիշնևը. Մոլդովայի մայրաքաղաքը հայտնվել է ցանկի 225-րդ տեղում: Մոսկվան զբաղեցրել է հինգերորդ տեղը, իսկ ECA-ի փորձագետների հաշվարկներով` վերջին տարում սպառողական զամբյուղի գինը աճել է 10%-ով: Արդյունքում Ռուսաստանի մայրաքաղաքը ցանկում13-րդ տեղից բարձրացել է մինչև 5-րդ տեղ, իսկ Սանկտ Պետերբուրգը` 51-ից 32-ը: Բայց ամենամեծ թռիչքը գրանցել է Հարավային Սուդանի մայրաքաղաք Ջուբան. այն 45-րդ տեղից հայտնվել է 4-րդ տեղում:
Աշխարհի ամենաթանկարժեք քաղաքների Թոփ 10-ը.
1. Օսլո, Նորվեգիա
2. Լուանդա, Անգոլա
3. Ստավանգեր, Նորվեգիա
4. Ջուբա, Հարավային Սուդան
5. Մոսկվա, Ռուսաստան
6. Տոկիո, Ճապոնիա
7. Ցյուրիխ, Շվեյցարիա
8. Ժնև, Շվեյցարիա
9. Բազել, Շվեյցարիա
10. Բեռն, Շվեյցարիա
