Կռուիզային ընկերություններին, որոնք արգելում են արգելում են ուղևորներին ծխել իրենց նավերի անձնական պատշգամբներում, միացել են Carnival Cruises և Norwegian օպերատորները: Ինչպես հայտնում է actualnews.org-ը՝ հոկտեմբերի 9-ից Carnival Cruise-ի և նոյեմբերի 1-ից Norwegian-ի նավերում ուղևորները չեն կարող ծխել իրենց նավախցիկների պատշգամբում:
Ծխողների համար այս ընկերությունների կռուիզային նավերում կստեղծվեն հատուկ սրահներ և ծխախոտային սենյակներ, որտեղ հնարավոր կլինի ծխախոտ ծխել կամ օգտագործել էլեկտրոնային սիգար: Բացառություն կլինի լողացող խաղատունը, որտեղ խաղով տարված ուղևորներին կթույլատրվի ծխել:
Բայց խաղին չմասնակցող հանդիսատեսին խաղատանը կարգելեն ծխել: Նաև վատ սովորության կողմնակիցներին կթույլատրեն ծխել Norwegian Getaway և Norwegian Breakaway նավերի աջ կողմում: Հիշեցնենք, որ նավախցիկների պատշգամբներում ծխել ավելի վաղ արգելել են այնպիսի միջազգային կռուիզային ընկերություններ, ինչպիսիք են՝ Disney Cruises, P&O և Cunard Cruises, ինչպես նաև՝ մասնակի Crystal Cruises, Oceania Cruises, Princess Cruises և Celebrity Cruises: