Հայաստանում բացվել է գինու նոր գործարան` տարեկան 300 հազար լիտր արտադրողականությամբ: Ինչպես News.am –ին հայտնել են «Տիերրաս դը Արմենիա» ներդրող ընկերությունում, առաջիկա տարիներին այդ ծավալը պլանավորվում է հասցնել տարեկան մինչև 1 մլն լիտրի: Գործարանը կօգտագործի սեփական խաղողի այգիների հումքը ՝ հայկական, ֆրանսիական, իտալական և արգենտինական խաղողի տեսակները: Գործարանի ստեղծման համար ներդրումները կազմել են $3 մլն:
Հիշեցնենք, որ «Տիերրաս դը Արմենիա» ընկերությունը Արմավիրի մարզում 2300 հա հողատարածք ունի: Դրանցից 500 հա-ի վրա արդեն տնկված են խաղողի այգիներ, որոնցից ստացված բերքը ընկերությունը վաճառում է հիմնականում կոնյակի գործարաններին: Ներդրումների ընդհանուր ծավալը կազմել է $40 մլն: Ընկերության սեփականատերն է արգենտինահայ բիզնեսմեն Էդուրդո Էռնեկյանը: / Աղբյուրը՝ News.am