2015 թվականին Թայլանդում մահացած զբոսաշրջիկների թիվը աճել է ավելի քան կրկնակի անգամ։ Այս ցավալի վիճակագրությունն է ներկայացրել Հարավարևելյան Ասիայի երկրի Տուրիզմի և սպորտի նախարարությունը։
Այլ հոդվածներ
Տուրիզմի նախարարության կազմած զեկույցից պարզ է դառնում, որ անցյալ տարի Թայլանդում մահացել է 83 օտարերկրյա զբոսաշրջիկ․ դա 54 %-ով ավելի շատ է, քան 2014 թվականի ցուցանիշը։ Եվս 166 օտարերկրացի ստացել է ծանր վնասվածքներ։ 34 զբոսաշրջիկ դարձել է ավտովթարի զոհ, 9-ը՝ մահացել լողալիս։
Ամենավտանգավոր լողափեր են ճանաչվել Կո Լան կղզու Թավան լողափը, որը գտնվում է Պատտայայի մոտ, ինչպես նաև՝ Չավենգը և Սամուին։ Սուզվելու համար վտանգավոր են ճանաչվել նաև Պխուկետին մոտ գտնվող Հաե կղզին և Սիմիլանի կղզիները։