Նյույորքյան տաղանդավոր լուսանկարիչ Հենրի Հարգրիվզը ոճաբան Քեյթլին Լևինի հետ համատեղ պատրաստել են աշխարհի տարբեր երկրների քարտեզները, որոնք ամբողջովին պատրաստված են մթերքներից: Յուրքանչյուր երկրի քարտեզը ստեղծելիս նրանք օգտագործել են բաղադրիչներ՝ կապված տվյալ մշակույթի հետ:
Օրինակ, Հնդկաստանի քարտեզը բաղկացած է համեմունքներից, ֆրանսիայինը՝ պանրից և հացից, Անգլիայինը՝ թխվածքաբլիթներից, Ճապոնիայինը՝ ջրիմուռներից, Չինաստանինը՝ լապշայից, Իտալիայինը՝ լոլիկներից, Աֆրիկայինը՝ բանաններից, ԱՄՆ-ինը՝ եգիպտացորենից և փոփկորնից, Հարավային Ամերիկայինը՝ ցիտրուսներից, Ավստրալիայինը՝ ծովախեցգետնից, Նոր Զելանդիայինը՝ կիվիից: Բոլոր մթերքները խնամքով կտրված և դասավորված են՝ ստեղծելով տարօրինակ պատկեր:
«Այս քարտեզները աշխարհի մթերքների զվարճալի արտացոլանքն է մեր մեկնաբանությամբ,- պատմում է Հենրի Հարգրիվզը,- այս նախագիծը ցույց է տալիս, թե ինչպես է սնունդը միավորում ամբողջ երկրագունդը»: Լուսանկարչի բոլոր աշխատանքները կարելի է տեսնել նրա պաշտոնական կայքում՝ henryhargreaves.com:
