Lufthansa ավիաընկերությունը Եվրոպայի ֆուտբոլասերներին առաջարկում է ստեղծել ինքնաթիռի իրենց դիզայնը և հաղթել ավիատոմս դեպի Բրազիլիա, որտեղ այս տարի ամռանը կանցկացվի Ֆուտբոլի աշխարհի առաջնությունը: Հայտնի եվրոպական ավիափոխադրողի այս արշավը կմեկնարկի այս ամիս «Տրվեք կրքին, մեկնեք Բրազիլիա, որպեսզի ամե ինչ տեսնեք սեփական աչքերով» կարգախոսի ներքո:
Facebook-ում Lufthansa-ի նոր Colours of Passion հավելվածի օգնությամբ օգտատերերը կարող են ստեղծել ինքնաթիռի արտաքին դիզայնը` հնարավորութուն սանալով աջակցել սիրելի թիմին աշխարհի առաջնությանը: «Կրքի գույները» հավելվածը ունի գույների լայն ներկապնակ և գեղարվեստական գործիքներ, որոնք հնարավորություն կտան ազատ ստեղծագործել: Որքան վառ, կրեատիվ և անսովոր ստացվի դիզայնը, այնքան մեծ է Բրազիլիա մեկնելու հավանականությունը. հայտնում է Lufthansa-ի մամուլի ծառայությունը:
Հավելվածը նաև հնարավորություն է տալիս դիզայներական նախագծերով կիսվել ընկերների հետ: Ստեղծելով ինքնաթիռի իր դիզայնը` օգտատերը այն ներբեռնում է սերվեր: Լավագույն մասնակիցները կարող են շահել դեպի Բրազիլիա երկու տոմս, ինչպես նաև` Lufthansa-ն խաղարկում է երկու սեղանի ֆուտբոլ և 500 պրոմոկոդ: Բոլոր մասնակիցները կստանան Lufthansa-ի ֆիրմային էկրանապահ, որով կարելի է զարդարել Facebook-ի էջը: