Այլ հոդվածներ
2015 թվականի մայիսի 1-ից սեպտեմբերի 27-ը ամեն շաբաթ և կիրակի, ինչպես նաև՝ տոնական օրերին, Ռիգայում ամառային սեզոնին կվերականգնվի 1909-1910 թվականների էլեկտրական՝ Ռետրո տրամվայի աշխատանքը։ Ռետրո տրամվայը կգործի Աուսեկլյա փողոցից և, պտույտ կատարելով Ռադիո փողոցով դեպի Մեժապարկ, կվերադառնա հետ․ այս մասին հայտնել է Rigas satiksme-ի մամուլի քարտուղար Վիկտոր Զակիսը։
Տոմսերը պետք է գնել տրամվայի վարորդից, և դրանք կգործեն մինչև երթուղու վերջին կանգառը։ Մեկ տոմսի արժեքը 2 եվրո է, մինչև 7 տարեկան երեխաների համար՝ անվճար։ Ռետրո տրամվայի տոմսը Ռիգայի ազգային կենդանաբանական այգի ներկայացնելու դեպքում սպասվում է տոմսի հիմնական գնից մեկ եվրո զեղչ (զեղչերը չեն կուտակվում)։