Գորգոնան, որը Տոսկանիայի արշիպելագի ամենափոքրիկ կղզին է, կբացվի զբոսաշրջիկների համար 2016 թվականի մարտի վերջին։
Գորգոնան իրենից ներկայացնում է 3 քառակուսի կմ մակերեսով փոքրիկ հողակտոր։ Սակայն դա ոչ թե պարզապես փոքրիկ կղզյակ է Միջերկրական ծովում, այլ՝ ամենաիսկական բանտ։ Ի սկզբանե Գորգոնայում ապրել է ընդամենը 60 բանտարկյալ և 67 հասարակ քաղաքացի, իսկ այստեղ այցելում էին միայն մեկ նպատակով՝ բանտարկյալներին տեսակցելու։ Բայց արդեն այս ամսվա վերջից բանտ կարող են այցելել բոլոր ցանկացողները, սակայն կազմակերպված տուրիստական խմբի կազմում։ 
Ի դեպ, զբոսաշրջիկների հետ այստեղ շատ խիստ կլինեն (այնուամենայնիվ, բանտը մնում է բանտ)։ Միաժամանակ կղզի կարող է այցելել ոչ ավել, քան 75 մարդ, իսկ «բանտարկման ժամկետը» չի կարող գերազանցել 4 օրը։ Գորգոնա այցելելու համար զբոսաշրջիկները պետք է վճարեն 45 EUR եվրո ճանապարհի և 6 EUR եվրո մուտքի տոմսի համար։
Հատուկ զբոսաշրջիկների համար խիստ Գորգոնայում կհայտնվեն նաև մի քանի լողափեր։ Բայց կղզու հատուկ կարգավիճակից ելնելով՝ արևայրուկ ընդունել այնտեղ՝ առանց ուղեկցորդի, դժվար թե հաջողվի։