Լոս Անջելեսից և Լոնդոնից հետո Իտալիայում առաջին անգամ փետրվարի 3-ին և 4-ին կանցկացվի «Nailympics Competition»անունը կրող գեղարվեստական մանիկյուրի վարպետների օլիմպիադա, որին կմասնակցեն աշխարհի ավելի քան 50 երկրների շուրջ 1000 մասնակից: Ինչպես սովորական սպորտային օլիմպիադաները, այս գեղարվեստական մրցույթը ևս անցկացվում է չորս տարին մեկ:
Գեղարվեստական մանիկյուրի օլիմպիադան տեղի կունենա «Nuova Fiera di Roma» ցուցահանդեսային կենտրոնում: Առաջին անգամ անցկացվելով 2001 թվականին`օլիմպիադան կարճ ժամանակահատվածում մեծ ժողովրդականություն վայելեց ողջ աշխարհում: Այս անգամ նրա անցկացման վայրը Իտալիան է` շնորհիվ «nail art»-ի միջազգային վարպետ Անտոնիո Սակրապանտեի` 2005 թվականի օլիմպիական չեմպիոնի:
Օլիմպիադան բաղկացած կլինի չորս մրցույթներից` նվիրված մանիկյուրի տարբեր մեթոդներին: Դրանցից յուրաքանչյուրին կմասնակցեն թիմեր` բաժանված խմբերի (նորեկներ, վետերաններ, վարպետներ): Փորձագետներից կազմված ժյուրին միավորների համակարգի օգնությամբ կընտրի լավագույն արվեստի գործը` ներկայացված մոդելների եղունգներին: