Grande Hotel San Calogero հյուրանոցի շինարարական աշխատանքները սկսվել են ավելի քան 60 տարի առաջ, բայց, չնայած այն հանգամանքին, որ հյուրանոցը երկու անգամ հայտարարվել է բացված, այնտեղ երբեք ոչ մի զբոսաշրջիկ չի եղել։ Սիցիլիայի հարավային հատվածում գտնվող հյուրանոցի շինարարությույնը սկսվել է 1954 թվականին և տևել շուրջ 30 տարի։ 80-ականների սկզբին հյուրանոցը գրեթե պատրաստ է եղել, բայց հենց այդ ժամանակ էլ տեղի է ունեցել անհաջողությունը։ Հաջորդ տասը տարվա ընթացքում այդպես էլ չի գտնվել մի օպերատոր, ով կվերցներ իր վրա հյուրանոցի կառավարման գործը։
Մինչ Սիցիլիայի իշխանությունները փնտրում էին օպերատոր, հյուրանոցը սկսում էր վերածվել ավերակների և կարիք առաջանում վերանորոգում իրականացնել։ 1993 թվականին հյուրանոցը կրկին պատրաստ էր բացմանը։ Բայց առաջ է գալիս նոր փոքրիկ խնդիր՝ դրենաժային համակարգին սխալ միացում։ Տարածաշրջանը ստիպված է լինում հյուրանոցային օպերատորին վճարել 800 000 եվրո փոխհատուցում և փնտրել նոր օպերատոր՝ միաժամանակ փորձելով ուղղել սխալը։ 1998 թվականին հյուրանոցը կրկին բացվում է և անմիջապես փակվում։
2000 թվականին մեկ այլ հյուրանոցային օպերատոր համաձայնում է իր վրա վերցնել Grande Hotel San Calogero հյուրանոցի կառավարումը և նույնիսկ ներկայացնում դրենաժային համակարգը քաղաքային կոյուղուն միացնելու պլաններ, բայց դրանք այդպես էլ մնում են պլաններ։ Աշխատանքները չեն սկսում, իսկ նախագիծը դրվում է դարակում։ Արդյունքում, 60 տարվա աշխատանքներից և միլիարդ լիր ներդրումից հետո հյուրանոցի միակ այցելուները աղավնիներն են։