Հայտնի է աշխարհում ամենամեծ թեմատիկ զվարճանքների այգու բացման ամսաթիվը

Աշխարհում ամենամեծ փակ թեմատիկ զվարճանքների այգին ՝ IMG Worlds of Adventure-ը, կբացվի այցելուների համար  2016 թվականի օգոստոսի 15-ին Դուբայում։ Այդ մասին նշվում է խաղային համալիրի ներկայացուցիչների մամուլի հաղորդագրությունում։Այդ պարկը, որի սեփականատերը Ilyas and Mustafa Galadari Group (IMG Group) ընկերությունն է, կդառնա ԱՄԷ-ում առաջին միջազգային թեմատիկ զվարճանքների այգին։

Նախագծի ընդհանուր արժեքը կազմում է ավելի քան մեկ միլիարդ դոլար։ Համալիրը ներառում է  ատրակցիոններով երեք գոտի՝  Marvel կոմիքսների հնարովի մոլորակի ոճով ձևավորված գոտի,  ամերիկյան Cartoon Network  մուլտիպլիկացիոն ալիքի հերոսներով տարածք և դինոզավրերի այգի։  IMG Worlds of Adventure-ում նաև տեղ են հատկացրել խանութներին և ռեստորաններին։