Թայլանդը զարմանալի երկիր է: Դրախտային կղզիներ, ճերմակափայլ լողափեր, ֆանտաստիկ տաճարներ, ինքնատիպ ճարտարապետություն, հնագույն մշակույթ և անհավանական խոհարարական գլուխգործոցներ: Ոչ պակաս հետաքրքիր է թայլանդցիների վարքն ու բարքը: Այդ ամենի մասին հնարավոր չէ գրել, նույնիսկ տասնյակ հոդվածները բավական չեն լինի: Այդ պատճառով Տուրիստական նորությունները որոշեց ձեզ ներկայացնի մի քանի հետաքրքիր փաստեր Թայլանդի մասին:
1. Ժամանակագրությունը Թայլանդում այլ է: Այնտեղ այժմ 2555 թվականն է:
2. Թայլանդը, որպես հանրահայտ տուրիստական երկիր հայտնի դարձավ «շնորհիվ» վիետնամական պատերազմի: Այստեղ տեղակայված են եղել հսկայական ռազմաբազաներ, ինչպես նաև՝ ԱՄՆ-ի զինվորների համար նախատեսված հանգստի վայրեր: Հատկապես զինվորների շրջանում հայտնի է եղել Պատտայա քաղաքը, սկսած այդ ժամանակից այն մնացել է Թայլանդի սեքս-քաղաքը:
3. Թայլանդի փողոցներում սովորաբար հարբած մարդկանց չես հանդիպի: Թայլանդցիները գրեթե երբեք չեն խմում, իսկ եթե խմած էլ են լինում, ապա իրենց շատ հանգիստ են պահում և չեն աղմկում: Հարբած թայլանդցու սովորական վիճակը նստել և ժպտալն է:
4. Թայլանդցի ոստիկանը գեղեցիկ զգեստավորված պճնամոլ է, որը մեծ հարգանք է վայելում տեղացիների շրջանում, օժտված է, մեղմ ասած, անսահմանափակ իրավունքներով: Նա կարող է սթափեցնել ցանկացած անհնազանդ քաղաքացու:
5. Թայլանդում մերկ մարմնով տղամարդը չպետք է հայտնվի հասարակական վայրերում: Դա կարգապահության խախտում է:
6. Այս երկրում ընդունված չէ բարձրաձայն խոսել: Իսկ ժպտացող մարդը հիմարի տպավորություն չի թողնում, իսկ պատասխան ժպիտը Թայլանդում նորմալ է: Հենց այդ պատճառով Թայլանդը հաճախ անվանում են ժպիտի երկիր:
7. Թայլանդցիները նախընտրում են մեքենայով երթևեկելը, ոչ թե ոտքով քայլելը: Իսկ դա նրանք անում են տուկ-տուկ կոչվող մեքենայով, ավտոբուսով, մետրոյով, առագաստանավակով, ճոպանուղիով, նավակներով, ինչպես նաև զանազան ինքնագործ փոխադրման միջոցներով:
8. Ինչպես գրված է Գինեսսի ռեկորդների գրքում՝ թայական այբուբենը իր մեծությամբ երկրորդն է աշխարհում: Թայական լեզուն ընդհանուր է ողջ բնակչության համար, սակայն արևելյան նահանգներում գոյություն ունի իսայական բարբառը, որը նման է լաոսական լեզվին:
9. Գրեթե բոլոր թայլանդցիները դպրոցներում սովորում են անգլերեն, բայց հաճախ ամաչում են օգտագործումից: Սակայն շատ հաճախ ամենաանսպասելի վայրերում կարող եք հանդիպել թայլանդցու, որը շատ լավ խոսում է անգլերեն և ռուսերեն լեզուներով:
10. Թայական լեզվում «սով» բառը չկա:
11. Մոտ 6000 տարի առաջ առաջին անգամ հենց Թայլանդում են առաջին անգամ աճեցրել բրինձը: Եվ հենց այս երկիրն է համարվում աշխարհին բրինձ մատակարարող ամենամեծ երկիրը:
12. Ի տարբերություն Կամբոջայի, Լաոսի կամ Վիետնամի՝ Թայլանդը համարվում է Ասիայի ամենաաղքատ երկրներից մեկը:
13. Անգամ մայրաքաղաքից դուրս սովորական երևույթ է, երբ ճանապարհը մեկ ուղղությամբ 3 գիծ է ունենում, շրջադարձերը կամուրջի տեսքով են՝ փողոցների վրա, հետիոտնային կամուրջներ, թունելներ, բարձր մակարդակի անցուղիներ:
14. Թայլանդցիները շատ են սիրում և հարգում իրենց թագավորին: Բնակիչներից շատերը թագավորին աստվածացնում են: Այստեղ ավելի լավ է չվիրավորել միապետի ընտանիքին, այլապես կարող եք երկար ժամանակով բանտ նստել:
15. Նորին մեծություն Թայլանդի թագավորը միակ միապետն է աշխարհում, որը ունի ԱՄՆ-ի քաղաքացիություն: Նա նաև նշված է Գինեսսի ռեկորդների գրքում՝ որպես ամենաերկար գահին նստած թագավոր: