Առաջարկում ենք ծանոթանալ Շոտլանդիայի մասին հետաքրքիր փաստերին:
• Շոտլանդիայի պետական խորհրդանիշը միաեղջյուր կենդանին է:
• Աշխարհում ամենակարճ ծրագրված չվերթը ունի մեկ ու կես մղոն երկարություն. Westray կղզուց մինչև Papa Westray կղզի, որը մտնում է շոտլանդական Օրկնի (Orkney Islands) կղզիների կազմում: Թռիչքը տևում է 1 րոպե 14 վայրկյան:
• Շոտլանդիայի տարածքում մոտավորապես 750 կղզիներ կան, որոնցից 130-ը անբնակ են:
• Նեոլիթների դարաշրջանի կառույց Սկարա Բրեյը (Skara Brae), որը գտնվում է Օրկնի կղզում, համարվում է Մեծ Բրիտանիայի ամենահնագույն կառույցը. այն թվագրված է մ. թ. ա. 3100 թ.:
• Հարավային Լանարկշիրում (South Lanarkshire) մարդու կողմից ստեղծված կառույցում` Համիլտոնի դամբարանում, առաջանում է ամենաերկար արձագանքը աշխարհում, որը տևում է 15 վայրկյան:
• Շոտլանդիայում է գտնվում ավելի քան 600 քառակուսի մղոն քաղցրահամ լճեր, այդ թվում` հանրահայտ Լոխ Նեսսը:
• Շոտլանդիայի մայրաքաղաք Էդինբուրգը իր մեծությամբ երկրորդ քաղաքն է համարվում Գլազգոյից հետո:
• Էդինբուրգը դարձել է աշխարհում առաջին քաղաքը, որտեղ ստեղծվել է առաջին սեփական հրշեջ ծառայությունը:
• Ինչպես Հռոմը, այնպես էլ Էդինբուրգը կառուցվել է յոթ բլուրների վրա, մայրաքաղաքը ունի ավելի շատ հուշարձան-կառույցներ, քան աշխարհի որևէ այլ քաղաք:
• Շոտլանդիան իր սեփական միապետն է ունեցել մինչև 1603 թվականը: Ելիզավետա I-ի մահից հետո Շոտլանդիայի թագավոր Ջեյմս VI-ը դարձել է նաև Անգլիայի թագավոր Ջեյմս I և ղեկավարել է երկու երկրները միաժամանակ:
• St Andrews Links-ը համարվում է «գոլֆի հայրենիքը». այստեղ այդ խաղը խաղացել են դեռևս XV դարում:
• Ենթադրվում է, որ Վիկտորիա թագուհին շոտլանդական Հայլենդս (Highlands) իր այցելությունների ընթացքում ծխել է սիգարետներ, որպեսզի իրենից հեռացնի մոծակներին:
• Էդինբուրգը եղել է սկայ տերյերի Գրեյ Ֆրայբերզ Բոբբիի (Grey Friar’s Bobby) տունը, որը ժողովրդի սիրտը գերեց նրանով, որ նստեց իր մահացած տիրոջ գերեզմանին շուրջ 14 տարի:
• Ներկայումս Շոտլանդիան համարվում է Մեծ Բրիտանիայում իր մեծությամբ երկրորդ երկիրը Անգլիայից հետո:
• Շոտլանդիայի ամենաբարձր կետը Բեն Նևիս լեռն է հաամարվում` 1343 մետր:
• Շոտլանդիայի կարգախոսն է «Nemo me impune lacessit» կամ «Ոչ ոք ինձ ձեռք չի տա առանց պատժի»:
• Շոտլանդական Բալմորալ ամրոցը (Balmoral castle) թագավորական ընտանիքի ամենասիրված վայրերից մեկն է համարվում: