Գեղեցկության, եզակի պատմական իրադարձությունների, նորաձև խանութների և հիանալի ճարտարապետական շինությունների զարմանահրաշ երկիր է Ֆրանսիան: Անխոս, Ֆրանսիայի մասին հետաքրքիր ինֆորմացիան անսահման է` լինի դա քաղաքականություն, արվեստ կամ գիտություն: Այսպիսով, կփորձենք հակիրճ թվարկել Ֆրանսիայի մասին հետաքրքիր փաստերը:
Բարքեր և ավանդույթներ
Ֆրանսիացիները հաճախ միմյանց են կտակում պանիրի գլուխներ:
Ֆրանսիական գյուղական տարեկանի հացի պատրաստման համար բաղադրության մեջ այնքան համեմունքներ են լցնում, որ դրա պատրաստման գործընթացը նման է լինում օծանելիքի պատրաստմանը:
Օրենքի համաձայն` ֆրանսիացիները տարեկան ամենաքիչը ունեն հինգ շաբաթ արձակւորդ:
Պատվո Լեգեոնի ցանկում գտնվելն անգամ ցանկացած ֆրանսիացու համար ամենաբարձր պատիվն է: Լեգեոներները, որոնք այդ պատվին են արժանանում հայրենիքի հանդեպ մատուցած ծառայությունների համար, վարդի տեսքով կարմիր ժապավենը մեծ պատվով են կրում իրենց վրա:
Ֆրանսիական ուրախության մասին լեգենդներ են պտտվում: Անգամ երկրի համար դժվարին ժամանակներում ֆրանսիացիները մտքի փայլատակումը չեն կորցրել: Այսպես, 1915 թվականի ապրիլի 1-ին Առաջին Համաշխարհային պատերազմի ժամանակ նրանք գերմանական ճամբար են նետել ռումբ: Գերմանացի զինվորները նետվել են այս ու այն կողմ, սակայն պայթյուն այդպես էլ չի եղել: Ռումբի փոխարեն գետնին է ընկել մեծ գնդակ վրան էլ գրված «Շնորհավոր ապրիլի մեկ»:
Սովորաբար եվրոպացիների մեծ մասի համար, մասնավորապես` ֆրանսիացիների, «OK» ժեստը համարվում է վիրավորանք և նվաստացում, այսինքն մարդը ոչնչություն է` զրո:
Փարիզում բնակչության մեջ լայն տարածում ունի հեծանվային փոխադրամիջոցը, հարմարավետության և անվտանգության համար Ֆրանսիայի մայրաքաղաքում մեծ քանակությամբ հատուկ հեծանվուղիներ են կառուցվել, ինչպես նաև` հեծանիվի վարձակալման վայրեր:
Փարիզյան այգիներում հնարավոր է տեսնել բազմաթիվ մեղվի փեթակներ, իսկ ֆրանսիացիների մեծ մասը մեղվաբուծությյան կուրսերի հաճախելուց հետո փեթակներ են պահում իրենց պատշգամբներում:
Ֆրանսիայում թեյավճարը արդեն իսկ ընդգրկված է լինում հաշվի մեջ և կազմում է ընդհանուր հաշվի 15 %-ը:
Ֆրանսիացիները ֆրանսիական համբույրը անվանում են անգլիական համբույր: