Կանադայի սահմանները ձգվում են Ատլանտյան օվկիանոսից դեպի արևելք և Խաղաղ օվկիանոսից դեպի արևմուտք, իսկ հյուսիսից երկրին սահմանակից է Հյուսիսային սառուցյալ օվկիանոսը: Ելիզավետա II թագուհին համարվում է երկրի խորհրդանշական ղեկավարը, այնպես որ Կանադայում ստեղծվել է սահմանադրական միապետություն և պառլամենտական ժողովրդավարություն: Այս երկիրը շատ հյուրասեր է, այդ պատճառով այստեղ կարելի է հանդիպել տարբեր ազգությունների մարդկանց: Պետական լեզուն այստեղ երկուսն է. անգլերենը և ֆրանսերենը: Հիմնական կրոնը քրիստոնեությունն է, բայց նաև տարածված է մահմեդականությունը, բուդդայականությունը, հինդուիզմը և հուդայականությունը:
Կանադան չափազանց հետաքրքիր երկիր է, որի մասին շատերը քիչ բան գիտենք, դրա համար հարկավոր է լրացնել այդ բացը:
Կանադան թերևս աշխարհում միակ երկիրն է, որի մասին հազվադեպ կարող եք լսել, թե նա խառնված է ինչ-որ կոնֆլիկտի մեջ: Կանադան շատ խաղաղասեր պետություն է, այդ իսկ պատճառով շատերն են սիրում Կանադայում մշտական բնակություն հաստատել: Ստորև կարող եք ծանոթանալ մի քանի յուրահատկությունների մասին, որոնք թույլ կտան տարբերակել Կանադան:
1. «Կանադա» անվանումը առաջացել է «Կանատա» բառից, որն էլ թարգմանաբար նշանակում է գյուղ կամ բնակավայր:
2. Աշխարհում իր մեծությամբ երկրորդ երկիրն է, ընդհանուր տարածքը 9984670 քառ. կմ է:
3. Հենց այս երկրին է պատկանում աշխարհի ամենաերկար ջրափնյա գիծը` մոտ 243 հազար կմ :
4. Կանադայի և ԱՄՆ-ի սահմանը երկու երկրների ամենաերկար սահմանն է աշխարհում, ինչպես նաև` միակ չպաշտպանված սահմանը:
5. Բացի դրանից, այն ամենամեծ պետությունն է, որը սահմանակից է ընդամենը մեկ պետության:
6. Կանադայի բնակչության 81% տոկոսը բնակվում է քաղաքներում:
7. Կա տարածված կարծիք այն մասին, որ Հյուսիսային բևեռը պատկանում է Կանադային, սակայն դա առասպել է. Հյուսիսային բևեռը ոչ մի պետության չի պատկանոււմ:
8. Թխկու տերևը Կանադայի ազգային խորհրդանիշն է:
9. Կանադան համարվում է աղանդերային քաղցր «Այսվայն» գինու առաջատար արտադրողը:
10. Կանադան մտնում է ոսկի, պղինձ, ցինկ, նիկել, ալյումին և բնական գազ արտադրող հինգ խոշորագույն երկրների մեջ:
11. Մոնրեալում, որն անվանում են եկեղեցիների քաղաք, կառուցվել է ավելի շատ եկեղեցիներ, քան տներ:
12. Կանադայում է գտնվում աշխարհի ամենափոքրիկ բանտը, այն ընդամենը 270 քառ. մետր է:
13. Աշխարհի ամենաերկար մայրուղին Տրանս-Կանադական մայրուղին է, որի երկարությունը 7604 կիլոմետր է:
14. Այստեղ են գտնվում համաշխարհային համբավ ունեցող համալսարաններ, որտեղ սովորում են ինչպես տեղացի, այնպես էլ արտասահմանից եկած ուսանողները:
Շարունակելի…