«Գահերի խաղի» նկարահանման վայրի ցուցանակներ են հայտնվել Հյուսիսային Իռլանդիայում
Հայտնի սերիալի նոր սեզոնի մեկնարկի նախաշեմին Հյուսիսային Իռլանդիայի ղեկավարությունը հրավիրում է «Գահերի խաղի» երկրպագուներին այցելել նկարահանման վայրերը։ HBO հեռուստաալիքի ղեկավարության համաձայնությամբ հյուսիսիռլանդական տուրիզմի ներկայացուցիչները ցուցանակներ են տեղադրել սերիալի նկարահանման վայրերում։ 
Դրանք ոչ միայն ցույց են տալիս, թե որտեղ են տեղի ունեցել սերիալի նկարահանումները, այլև՝ պատմում են այն մասին, թե կոնկրետ որ էպիզոտներն են նկարահանվել այս կամ այն վայրում։ Առաջին ցուցանակները արդեն հայտնվել են Սլեմիշ լեռան մոտ, որտեղ նկարահանել են Դոտրակյան ծովի, Օդլի ամրոցի և Յարդ ամրոցի տեսարանները, որը սերիալում հանդես է եկել՝ որպես Ուինտերֆել։ 
Հյուսիսային Իռլանդիայից բացի, «Գահերի խաղի» նկարահանումներ տեղի են ունեցել նաև Իռլանդիայում, Մարոկկոյում, Խորվաթիայում, Իսլանդիայում և Իսպանիայում։