«Եթե դուք ցանկանում եք տեսնել դրախտ, նայեք ձեր շուրջը»,– այսպես ասել է Վիլլի Վոնկան իր շոկոլադե գործարանի մասին: Հենց նույն բանն է գալիս մտքիդ, երբ տեսնում ես Բալիի կղզու արևելքում գտնվող շոկոլադե գործարանը: Ջունգլիներում տեղակայված գործարանը հրճվանք է առաջացնում ոչ միայն երեխաների, այլև մեծահասակների մոտ:
Շոկոլադե գործարանի տարածքում` կոկոսի ծառերի շրջապատում, տեղակայված են 5 հարմարավետ խրճիթներ, որոնք բավականացնում են Բալիի շոկոլադի պատրաստման համար: Երբ տեսնում ես այդ գեղեցկությունը, որը գտնվում է օվկիանոսի ափին, Ձեր մոտ այնպիսի զգացողություն է առաջանում, որ թվում է, թե հայտնվել եք հեքիաթում:
Այստեղ տեսականին սահմանափակվում է շոկոլադով, մեղրով և կոկոսի օշարակով: Սակայն այդպիսի պայմաններում ամեն ինչ այնքան համեղ է լինում, որ ցանկանում ես որքան հնարավոր է շատ շոկոլադ հետդ վերցնել: Եվ դա հրաշալի է: Շոկոլադե գործարանում հնարավոր է գնել գրեթե այն ամենը, ինչ ձեր դուրը կգա:
