Uber-ում հայտնվել է հարբած հաճախորդներին բացահայտող համակարգ

Հաճախորդների անընդունելի պահվածքից իրենց վարորդներին պաշտպանելու համար ամերիկյան  Uber ընկերությունը մշակել է հատուկ համակարգ, որը հեռավորության վրա բացահայտում է հարբած ուղևորներին։

Նորարարությունը թույլ կտա վերլուծել ուղևորի վիճակը այնպիսի չափանիշներով, ինչպիսիք են՝ տվյալների լրացման արագությունն ու հստակությունը, պատվերը տալիս քերականական սխալների առկայությունը, նրա գտնվելու վայրը, օրվա ժամը և նույնիսկ տեղաշարժման արագությունը։

Ընկերության ղեկավարության խոսքերով՝ այդ որոշումը կայացվել է մի շարք տհաճ իրավիճակների պատճառով, որոնց մասին հայտնել են վարորդները։ Հարբած ուղևորները ոչ միայն ագրեսիա են ցուցաբերում, այլև՝ հրաժարվում վճարել և նույնիսկ վնասում մեքենայի սրահը։