Մեծ Բրիտանիայում բացվել է աշխարհում առաջին հյուրանոցը կենդանաբանական այգում
Մեծ Բրիտանիայում բացվել է աշխարհում առաջին հյուրանոցը, որը գտնվում է կենդանաբանական այգու տարածքում։ Ինչպես հայտնում է The Daily Mail-ը՝ բրիստոլյան The Lodge-ում ամագրման ծառայությունը կսկսի գործել հոկտեմբերի վերջին։
Ապարտամենտների պատշգամբից ճանապարհորդները կարող են հետևել գետակինճերին, գորիլաներին և գետաձիերին, ինչպես նաև տեսնել պինգվինների և կապիկների կերակրումը։ Բացի այդ, զբոսաշրջիկները հնարավորություն կունենան ինքնուրույն կերակրել ծովառյուծներին, կարմիր պանդաներին և առյուծներին։ Հաճախորդներին նաև կթույլատրվի շրջել կենդանաբանական այգով դրա փակումից հետո, իսկ հատուկ աշխատակիցը նրանց համար էքսկուրսիա կանցկացնի։
Երեկոյան հյուրերին կառաջարկեն ընթրիք` չորս ուտեստներից բաղկացած, որը կպատրաստի հյուրանոցի ավագ խոհարարը։ Առավոտյան ճանապարհորդները կմասնակցեն մանգուստների կերակրմանը, իսկ նախաճաշը կմատուցվի գորիլաների վանդակի մոտ։
Երկու ննջասենյակներով ապարտամենտներում, որտեղ կտեղավորվեն չորս մեծահասակ և երկու երեխա, գիշերը կարժենա 750-ից 1050 ֆունտ ստերլինգ (1160 և 1625 դոլար՝ համապատասխանաբար)։
Բրիստոլի կենդանաբանական այգին բացվել է 1836 թվականին Անգլիայի կենդանաբանական ասոցիացիայի կողմից։ 2007 թվականին այստեղ ապրում էր 419 տեսակի 7155 կենդանի․ գրում է Lenta-ն։