ԱՄԷ-ում անձրևների սեզոն է… մետեորիտային

Համաձայն space.com կայքի տվյալների՝ այս շաբաթավերջին ԱՄԷ-ում կարելի է հետևել անմոռանալի մետեորիտային անձրևի: Գիտնականները ենթադրում են, որ այդ օրերին ամեն ժամը մեկ երկնքից կսահի շուրջ  1 000 ընկնող աստղ: ՆԱՍԱ-ի գիտնականները նշում են, որ այս հանգստյան օրերին Երկիր մոլորակը կանցնի տիեզերական փոշու հոսքի միջով, որը թողել է  Comet 209P/Linear գիսաստղը: Գիսաստղը անցել է արևի մոտով մոտավորապես  200 տարի առաջ:  Еmirates 24/7-ը մեջբերում է Ջեյն Հյուսթոն Ջոնսի խոսքերը, ով ասում է, որ, ըստ կանխատեսումների, ընկնող աստղերի թիվը կտատանվի ժամում  100-ից 1 000-ի միջև: Աստղային անձրևին կարելի է հետևել մայիսի 23-ի և 24-ի  գիշերը և վաղ առավոտյան: