Հյուսիսային Իռլանդիայի (Մեծ Բրիտանիա) մայրաքաղաքում իր առաջին հյուրերին է ընդունել Titanic հյուրանոցը։ Այն գտնվում է Բելֆաստի կենտրոնում՝ Harland & Wolff ընկերության գրասենյակի շենքում, որտեղ ժամանակին ստեղծել են լեգենդար տրանսատլանտյան «Տիտանիկ» նավի նախագիծը։
Չորսհարկանի հյուրանոցը հյուրերին առաջարկում է ար-դեկո ոճով ձևավորված 119 համար։ Այն սրահներում, որտեղ աշխատել են Տիտանիկի կոնստրուկտորները, այժմ գտնվում են բարը և կոնֆերանս սրահը։
Հյուրանոցի հյուրերի տրամադրության տակ է նաև ռեստորանը։ Հետաքրքիր է, որ ինտերիերի համար օգտագործվել են այնպիսի սալիկներ, ինչպիսին եղել են Տիտանիկի լողավազանում, հայտնում է Lenta.ru-ն։
Բացման առթիվ Titanic հյուրանոցն առաջարկում է հատուկ գներ բնակության համար․ օրական երկտեղանոց համարի համար սկսած 109 ֆունտից (124 եվրո)։