Ինքնաթիռում մուրացկան է հայտնվել
Մուրացկանը գումար է հավաքել ինքնաթիռի միջանցքում, որը Դոհայից մեկնել է Իրանի Շիրազ քաղաք։ Այդ մասին գրում է Daily Mail-ը։
Միջադեպը տեղի է ունեցել Qatar Airways ավիաընկերության չվերթի թռիչքից առաջ։ Տղամարդը հանկարծակի վեր է կացել իր տեղից և անցել շարքերով՝ գումար խնդրելով ուղևորներից։ Արդյունքում նրանցից մեկը նրան նույնիսկ թղթադրամ է տվել։ Չնայած անձնակազմի պահանջին՝ մուրացկանը հրաժարվել է զբաղեցնել իր տեղը և շարունակել է ողորմություն մուրալ։
Այլ հոդվածներ
Տղամարդու ինքնությունը չի հայտնաբերվել, բայց հաղորդվում է, որ նա Իրանի քաղաքացի է։ Ինքնաթիռում գումար մուրացող իրանցու տեսանյութը հայտնվել է համացանցում և վրդովվեցրել օգտատերերին։ «Սա կատա՞կ է։ Ինչպե՞ս է նա նստել ինքնաթիռ»,-զարմացել է մի մասը։ «Ո՞վ է նրա համար տոմս գնել։ Եվ ամենազարմանալին այն է, որ մարդիկ կան, որ գումար են տալիս»,-զարմացել են մյուսները։