Սինգապուրում կբացվի ռեստորան՝ նվիրված «Նարնջագույնը՝ սեզոնի հիթը» սերիալին
Ամերիկյան «Նարնջագույնը՝ սեզոնի հիթը» դրամա-կատակերգական սերիալը մեծ ճանաչում է ստացել աշխարհի հեռուստադիտողների շրջանում։ Այս մասշտաբային հաջողությամբ պայմանավորված՝ Սինգապուրում բացվել է հատուկ հաստատություն, որը հնարավորություն է տալիս հաճախորդներին համտեսել բանտում մատուցվող ուտեստների համեղ տարբերակները։
Հունիսի 16-ին և 17-ին Սինգապուրի OverEasy Bar and Diner ռեստորանը կվերածվի սերիալի երկրպագուներին հայտնի Լիտչֆիլդ քաղաքի բանտի ճաշարանի։ Բոլոր ուտեստները կմատուցվեն պլաստիկե սկուտեղներով, իսկ սրահում ներկա կլինեն վերակացուների հագուստով մարդիկ։ Թեև, հաստատության այցելուներին սպասվում է ոչ թե բանտային աղքատիկ սնունդ, այլ՝ իսկական վայելք խոհարարությունը գնահատողների համար։ 
Այս անսովոր կոնցեպտը մշակվել է ամերիկյան Netflix ընկերության կողմից սերիալի 4-րդ սեզոնի մեկնարկի առթիվ։