Լեգենդար Բյուրեղյա Պալատը (Crystal Palace), որը կառուցվել է առաջին Համաշխարհային ցուցահանդեսի ժամանակ` 1851 թվականին Լոնդոնում, կվերականգնվի: Այդ յուրօրինակ կառույցի վերանորոգումը չինացի միլիարդատեր ներդրող Նի Չժաոսինին կարժենա 800 միլիոն դոլար: Ինչպես հայտնում է Lenta.ru-ն` Լոնդոնի հարավում գտնվող Բյուրեղյա պալատը կվերականգնվի հարյուր տոկոսանոց ճշգրտությամբ:
Այն կունենա ցուցահանդեսային համալիր, որը իր մեջ կներառի ստուդիաներ, պատկերասրահներ և կոնֆերանս սրահներ, ինչպես նաև՝ հյուրանոց: Վերանորոգումը նախատեսվում է սկսել 2015 թվականին: Մետաղից և ապակուց կառուցված հսկայական պալատը կառուցվել է Գայդ այգում, իսկ Համաշխարհային ցուցահանդեսի ավարտից հետո այն ապամոնտաժվել է և տեղափոխվել նոր վայր` լոնդնոյան հարավային Սիդնեմ-Հիլլ (Sydenham Hill) արվարձան:
Ամեն տարի բազմաթիվ զբոսաշրջիկներ այցելել են քաղաքի հարավ, որպեսզի տեսնեն այդ հրաշալի տեսարժան վայրը: Շենքը ավերվել է 1936 թվականին տեղի ունեցած հրդեհի ժամանակ և ոչ մի անգամ մինչ այսօր չի վերականգնվել: Այրված պալատի անունով է կոչվել հարակից տարածքը, երկաթգծի կայարանը, հեռուստաաշտարակների համալիրը և ֆուտբոլային ակումբը: