Հորդանանի մայրաքաղաք Ամանում բրիտանական դեսպանատանը պատմության մեջ առաջին անգամ աշխատանքի են ընդունել կատվի։ Փափկամազ, չորքոտանի Լոուրենսը այսուհետ աշխատելու է դիվանագետ և մուկ որսացող։ Նա միակ կատուն չէ, ով աշխատում է բրիտանական նախարարությունում․ գրում է Yahoo!-ն։
Ապաստարանից աշխատանքի ընդունված Լոուրենսի կյանքին և աշխատանքին կարելի է հետևել Թվիթերի նրա պաշտոնական էջում։
Here’s my report to @DiploMog on my probation period at the British Embassy Amman. pic.twitter.com/Jf5JcTu8Nt
— Lawrence of Abdoun (@LawrenceDipCat) November 9, 2017
Բրիտանական նախարարությունում աշխատող կատուների գլխավոր խնդիրը չալարելն ու մկներ որսալն է։ ԶԼՄ-ները հաճախ են պատմում Պալմերստոն կատվի մասին, ով աշխատում է Միացյալ Թագավորության ԱԳՆ-ում, և Լարրի կատվի մասին, ով պատկանում է բրիտանական վարչապետին և ապրում նրա հետ Դաունինգ Սթրիթում։
