Հուլիսի 29-ից 31-ին կալիֆորնիական Գիլրոյ քաղաքում կանցկացվի շատ անսովոր փառատոն՝ նվիրված սխտորին։ Չնայած շատ մարդկանց կողմից այդքան էլ չսիրված թեմային՝ այս իրադարձությունը կարող է հաճելիորեն զարմացնել նույնիսկ ամենափորձառու ճանաարհորդներին։
Անկասկած, Gilroy Garlic փառատոնը կգրավի խոհարարության բոլոր սիրահարներին․ հենց այստեղ հնարավոր կլինի համտեսել սխտորով պաղպաղակ, բազմաթիվ ուտեստներ (տապակած կաղամար, ծիտրոնով 
հավ, սթեյք, գոմեշի միս, խեցգետնի մսով պիրոգներ և այլն) և դասական սխտորով հաց։ Իրադարձության կենտրոնում կգործի մեծ, բաց խոհանոցը, որտեղ խոհարարները կպատրաստեն ցանկացած ուտեստ ձեր ներկայությամբ։ Ի դեպ, բոլոր նրանք, ովքեր չեն սիրում յուրահատուկ օգտակարությամբ այս մթերքի համը, ևս կարող են գտնել ուտեստներ՝ առանց դրա հավելման, և մասնակցել բազմաթիվ զվարճանքներին։
Առաջին անգամ այս փառատոնը կազմակերվել է 1979 թվականին։ Նրա հիմնական նպատակն է գումար հավաել տեղական բարեգործական կազմակերպությունների և դպրոցների համար։ Իր գոյության ամբողջ ընթացքում տոնի կազմակերպիչներին հաջողվել է հավաքել ավելի քան 10 միլիոն դոլար։