Բրյուսելում ծաղկե գորգ կփռեն

Գրեթե կես դար ամեն երկու տարին մեկ Բրյուսելի Grand Place հրապարակում բնական ծաղիկներից գորգ են փռում։ Այս տարի  1800  քառակուսի մետր մակերեսով ծաղկային պատկերով կարելի է հիանալ օգոստոսի 16-ից 19-ը։

Պատմության մեջ առաջին անգամ ծաղկային գորգի թեման կդառնա Մեքսիկան․ հայտնում է Բրյուսելի տուրգրասենյակը։ Այն նվիրված կլինի մեքսիկական Գուանախուատո շրջանին, որը ևս հայտնի է ծաղկային գորգի ստեղծման ավանդույթներով։ Ծաղկային գորգի բարդ դիզայնը կներառի բազմաթիվ ավանդական մեքսիկական խորհրդանիշներ և նախշեր և կպատրաստվի կարմրաշագանակագույն երանգներով։