Ֆրանկֆուրտի օդանավակայանում ուղևորներին սպասվում է «Խաղային աշխարհ»: Մինչ ինքնաթիռ բարձրանալը՝ ուղևորները կարող են անվճար զբաղվել նորագույն արկադային խաղերով՝ ավտոմոբիալյին մրցարշավ, ֆուտբոլ, պարային և ֆիթնես ծրագրեր: Ընդ որում, դրանցից որոշները նախատեսված են փոքրիկ ճանապարհորդների համար: Խաղերի յուրահատկությունը դրանց ինտերակտիվությունն է. դրանք արտացոլվում են մոնիտորներին: Տարածքի խաղաֆիկացումը պայմանավորված է «թռիչքին սպասող ուղևորների սպասելաժամանակը կրճատելու» ցանկությամբ: Նման, առաջին հայացքից, զվարճանքների օգնությամբ զարգանում է սոցիալական ակտիվությունը. ճանապարհորդները կարող են խաղալ մեկ թիմի կազմում կամ միմյանց դեմ:
«Խաղային աշխարհը» գտնվում է 1 տերմինալում՝ Z54 դարպասների առջև: Ընդ որում, հետագայում նման աշխարհների քանակը օդանավակայանում կավելանա: Նախագիծը դարձել է Fraport AG կառավարող ընկերության «Ուրախ ենք տեսնել ձեզ» (“Great to have you here!”) ծրագրի մի մասը, որի նպատակն է բարելավել Ֆրանկֆուրտի օդանավակայանի հյուրերի սպասարկումը:
Այլ հոդվածներ