Իմամ մզկիթը կամ Շահի մզկիթը Իրանի Սպահան քաղաքի խոշորագույն մզկիթն է: Մզկիթը տեղակայված է քաղաքի կենտրոնում, Իմամի հրապարակում: Շինարարությունը սկսվել է XVII դարի սկզբից և տևել է 30 տարի: Մզկիթի ներքին պատերը զարդարված են եզակի գեղանկարներով, քարերով և զարդաքանդակներով: Մզկիթի ընդհանուր տարածքը 20 հազար քառակուսի մետր է: Մինարեթի բարձրությունը ավելի քան 40 մետր, իսկ հիմնական գմբեթը` ավելի քան 50 մետր:
Զբոսաշրջիկների մոտ ամենամեծ հետաքրքրությունը առաջացնում է մզկիթի ներսի յուրահատուկ ակուստիկան: Պատերի նախագիծը այնպիսին է, որ մարդու շշուկները լսելի են դառնում դիմացի անկյունում: Ժամանակակից ճարտարապետները չեն դադարում հիանալ Իմամ մզկիթով և անվանում են այն պարսկական ճարտարապետության գլուխգործոցը:
Այլ հոդվածներ
