Ինքնաթիռներից կվերանան իլյումինատորները

Արաբական Emirates ավիաընկերությունը հայտարարել է ինքնաթիռներից իլյումինատորների վերացման իր պլանների մասին։ Այդ մասին հայտնում է  BBC News-ը։

Emirates-ի ներկայացուցիչների փոխանցմամբ՝ դրանց փոխարեն ինքնաթիռներում կլինեն վիրտուալ պատուհաններ, որտեղ կցուցադրվեն արտաքին տեսախցիկների նկարած պատկերները։

«Պատկերները կլինեն ավելի  որակյալ և բնական, քան՝ պատուհանից դուրս նայելու դեպքում,- պատմել է ընկերության տնօրեն Թիմ Քլարկը,- Ինքնաթիռները կդառնամ ավելի թեթև, կթռչեն ավելի արագ, ավելի բարձր և կծախսեն ավելի քիչ վառելիք»։ Նա նաև նշել է, որ նորարարությունը կբարձրացնի անվտանգության մակարդակը։