Kаyak զբոսաշրջային որոնողական համակարգը հայտնի ավիափորձագետ Դեն Էյրի հետ համատեղ որոշել են ինքնաթիռներում ուղևորների համար առավել հարմարավետ տեղերը: Հետազոտության հեղինակները մանրակրկտորեն ուսումնասիրել են նստատեղերի տեղաբաշխումը Boeing և Airbus ինքնաթիռներում:
Boeing-777 ինքնաթիռներում, որոնք, մասնավորապես, լինում են «Աերոֆլոտ», «Տրանսաերո», «Բրիտիշ Էյրեյս» (British Airways) և «Էմիրեյթս» (Emirates) ավիապարկերում, առավել հարմարավետ են համարվում 44 և 45 շարքերը: Մնացած տեղերում ուղևորները, սովորաբար, դժգոհում են ոտքերի համար նախատեսված տարածքի փոքրությունից, զուգարանին մոտիկությունից և նստատեղի թիկնամասը պառկեցնելու անհնարինությունից:
Airbus ինքնաթիռներում վերլուծաբանները լավագույնն են ճանաչել 1А տեղը: Аirbus ինքնաթիռներ օգտագործում են «Աերոֆլոտը», «Սիբիրը» և «Ուրալյան ավիաուղիները»: 1А տեղը լավագույնն է ճանաչվել պատուհանից բացվող լավ տեսարանի, ոտքերի համար լայն տարածքի և բորտուղեկցորդների սպասարկման պատճառով. հենց այս տեղից են բորտուղեկցորդուհիները սկսում բաժանել սնունդը և խմիչքը: Սակայն 1А տեղը ունի նաև թերություն. այն համարվում է ամենացուրտ տեղը ինքնաթիռում: Դե, իսկ եթե անկեղծ, ապա ինքնաթիռում լավագույն տեղերը, բնականաբար, բիզնես դասում են: