Հետաքրքիր ծառայություն է առաջարկում փոքրիկ անգլիական մի ընկերություն, որն արտադրում է պաղպաղակ։ Այժմ երկրի արևելքում գտնվող Լինկոլնշիր կոմսության լողափերում հանգստացող զբոսաշրջիկները կարող են պատվիրել պաղպաղակ, որը նրանց համար կառաքի դրոնը։
Marblethorpe Rock & Ices ընկերությունը որոշել է օգտագործել այս անսովոր առաքման ձևը այն բանից հետո, երբ հասկացել է, որ որոշ հանգստացողներ չեն ցանկանում վեր կենալ իրենց շեզլոնգներից, բայց չէին էլ հրաժարվի այս սառցե քաղցրավենիքից։ Այժմ պաղպաղակները լողափ կառաքեն դրոնները, որոնց արժեքը 4 հազար GBP է։
Այդ անսովոր եղանակով պաղպաղակ ստանալու համար անհրաժեշտ է միայն խելախոսի մեջ ներբեռնել Ice Me app հավելվածը և պատվեր կատարել։