Ինչպե՞ս են Մահացածների օրը նշում ԱՄՆ-ում և Լատինական Ամերիկայում

Դդումներով, մոմերով և փոքր-ինչ գռեհիկ վհուկներով ձանձրալի Հելոուինը կարելի է փոխարինել Մահացածների օրվա երեկույթով. այդ սասափելի և գեղեցիկ տոնը նշում են նոյեմբերի 1-ին և  2-ին Մեքսիկայում, Գվատելամայում, Սալվադորում և ԱՄՆ-ում:

Օահակա, Մեքսիկա. Մեքսիկայում մահացածների օրը ամենահայտնի տոներից մեկն է: Նրա ավանդույթները այնքան տարբերվող և պատկերավոր են, որ դարձել են ՅՈՒՆԵՍԿՕ-ի  ոչ նյութական մշակութային  ժառանգության ցուցակի  մի մասը:

Մետեպեկ, Մեքսիկա. Չնայած օրվա ու տոնական ատրիբուտների՝ դիմահարդարման, հագուստների, քաղցրավենիքի  համընկմանը՝ մահացածների օրը ոչ մի կապ չունի Հելոուինի հետ:

Լա Պաս. Մահացածների օրը ավելի շատ նման է Գանգերի օրվան, որը նշում են Բոլիվիայում. այնտեղ ընդունված է տանը պահել մահացած հարազատների գանգերը, իսկ նոյեմբերի  9 -ին դրանք հանել, զարդարել ծաղիկներով և զարդերով, որից հետո տանել գերեզմանատուն և  «հանգստացնել» ծիսական նվիրատվություններով:

Դենվեր, Կոլորադո. Ըստ լեգենդների՝ նոյեմբերի սկզբին մահացածների հոգիները երկու օրով վերադառնում են ողջերի աշխարհ. սկզբում երեխաները, հաջորդ օրը՝ մեծերը: Որպեսզի հոգիները գտնեն տան ճանապարհը, նրանց հարազատները լույսեր են վառում և զանգեր հնչեցնում:

Կուահինիկուիլապա, Մեքսիկա. Որոշ շրջաններում տոնի ավանդույթներում նկատվում է աֆրիկյան  ազդեցությունը. Գերրորո նահանգում, օրինակ, տղամարդիկ կրում են դիմակներ և կատարում սատանաների պարը:

Պացկուարոո, Մեքսիկա. Եվ Մեքսիկայում, և Սալվադորում, և Գվատելամայում տոնը անցկացվում է երգերով, պարերով և մահացածների խորանի ավանդական ցուցադրությամբ՝ յուրօրինակ  «ստենդներով», որոնք զարդարված են, ի պատիվ մահացած հարազատների, հաճելի մանրուքներով և թավշածաղիկներով:

Ալբուկերկե, Նյու Մեխիկո. կալավերան՝ գանգի գեղարվեստական կերպարը, դարձել է մահացածների օրվա խորհրդանիշը:

Լոս Անջելես, Կալիֆորնիա. Հոլիվուդում այդ օրը գերեզմանաքարերը զարդարում է «հարուստ կինը»՝ Կալավերա Կատրինան կամ պարզապես Կատրինան՝   XX  դարում նորաձև ծաղիկներով գլխարկով կմաղքը: