Համացանցում հայտնվել են աշխարհի ամենամեծ կռուիզային նավի լուսանկարները, որի շինարարությունը կավարտվի Սեն Նեզար քաղաքի STX նավաշինարանում (Ֆրանսիա)։ Ինչպես հայտնում է Gulf News-ը՝ այն կրում է Harmony of the Seas անվանումը։ 
The Mirror-ի տվյալներով՝ Royal Caribbean International ընկերությանը պատկանող նավի շինարարական աշխատանքները պետք է ավարտվեն երեք ամսից։ Այնտեղ կտեղավորվի շուրջ 8,8 հազար մարդ, այդ թվում՝ ուղևորները և անձնակազմը։ Հաղորդվում է, որ պատրաստի նավը 33 սանտիմետրով երկար կլինի Oasis of the Seas և Allure of the Seas նավերից։ Այն նաև մի փոքր լայն կլինի։
Բացի այդ, նավը 20 տոկոսով ավելի արդյունավետ կլինի, քան մյուս խոշոր նավերը՝ շնորհիվ բարելավված շարժիչի և լուսադիոդային լուսավորության կիրառման։
Մայիսի 20-ին Harmony of the Seas-ը կմեկնի բրիտանական Սաութհեմպտոն, իսկ մայիսի 29-ին կկատարի իր առաջին ուղևորությունը դեպի Բարսելոնա։ Ամռանից հետո նավը կմեկնի ԱՄՆ և Կարիբներ։