Զբոսաշրջության զարգացմանը զուգահեռ մեծանում են նաև այդ ոլորտում գործող բիզնես-ձեռնարկությունների պահանջները. պրոֆեսիոնալ գիդ-էքսկուրսավարներ, նույնքան պրոֆեսիոնալ հյուրանոցային գործի մենեջերներ, որակյալ սպասարկում, ժամանցի և հանգստի համար երաշխավորված հաճելի պայմաններ: Այս ամենը նույնքան կարևոր է թե տվյալ գործի արդյունավետությունը բարձրացնելու, և թե զբոսաշրջիկի պահանջները պատշաճ կերպով բավարարելու համար:
Նյութը տրամադրել է «Regent» Կրթախորհրդատվական Կենտրոնը, որն իրականացնում է տուրիզմի ոլորտի դասընթացներ հետևյալ ուղղություններով`
ԳԻԴ-էքսկուրսավարների մասնագիտացված դասընթացներ
- Տուրիզմ-Անգլերենի բարձրակարգ դասընթացներ
- Տուրիզմի ծառայությունների մատուցման AMADEUS համակարգի հավաստագրված դասընթացներ և վերապատրաստման/լիցենզավորման կուրսեր
- 1C-Hotel: հյուրանոցային բիզնեսի կառավարման ավտոմատ համակարգ
- TillyPad XL: սպասարկման և ժամանցի ոլորտի ձեռնարկությունների կառավարման ավտոմատ համակարգ:
Regent Կրթախորհրդատվական Կենտրոնի կոնտակտային տվյալներն են`
Երեւան 0001, Վազգեն Սարգսյան 26/3, 301 գրասենյակ
Հեռ. (010) 525-447, 055-555-001, 055-111-039
www.regent.am | info@regent.am
Հյուրանոցային մենեջմենթ. կառավարման կարևորությունը
Ճանապարհորդելիս մարդիկ սովորաբար կանգ են առնում հյուրանոցներում, և ակամայից, գտնվելով սեփական տանից հեռու` փնտրում են մի անկյուն, որտեղ կարելի կլինի քիչ թե շատ զգալ տան ջերմությունը, հանդիպել հաճելի մարդկանց, շրջապատված լինել բարձրակարգ սպասարկմամբ:
Զբոսաշրջիկները թեև տարատեսակ հյուրանոցներ ընտրելու հնարավորություն ունեն, սակայն որքան էլ ճոխ լինի հյուրանոցը, այն չի կարող լիակատար դարձնել հանգիստը, եթե բացակայում է որակյալ սպասարկումը: Այստեղ է, որ գործ ունենք հյուրանոցային կառավարման կարևորության հետ, որը վերջին շրջանում սկսել է մեծ ուշադրություն գրավել և զարգացման հսկայական պոտենցիալներ ունի ողջ աշխարհում ընդհանրապես, և մեր տարածաշրջանում` մասնավորապես:
Նախկինում հյուրանոցների մենեջերները կարող էին ավարտել ցանկացած ԲՈՒՀ և ունենալ ինչ-որ ձեռքբերումներ այս ոլորտում: Հիմա պատկերն այլ է, որովհետև կան ամբողջական ծրագրեր, որոնք ուսանողներին հնարավորություն են տալիս կենտրոնացնել իրենց ուսումը հենց հյուրանոցային կառավարման վրա: Հյուրանոցային մենեջերները պետք է բազմաթիվ հմտություններ ունենան, որպեսզի կարողանան լուծեն հյուրերի ու կառավարման հետ կապված տարաբնույթ ու միաժամանակ` յուրահատուկ խնդիրները, որոնք ի հայտ են գալիս այս ոլորտում աշխատելիս:
Համաշխարհային զբոսաշրջության կազմակերպության ուսումնասիրությունների համաձայն` 2020 թ աշխարհում 1,6 բիլիոն զբոսաշրջիկ կլինի: Այս թիվը մեկ անգամ ևս շեշտում է հյուրանոցային կառավարման զարգացման միտումներն ու հնարավորությունները, ինչպես նաև կարևորությունը:
Ժամանակի ընթացքում լինում են բազմաթիվ սթրեսային պահեր, երբ մարդիկ անհամբեր ու նյարդային են լինում: Հյուրերը միշտ չէ, որ իրենց քաղաքավարի կամ լավ են դրսևորում, բայց հյուրանոցի անձնակազմի խնդիրն է համբերատար լինել ու միշտ ժպտալ, ինչքան էլ որ դա դժվար լինի անել: Անձնակազամը միշտ պատրաստ պետք է լինի դիմակայելու, հարթելու և արդյունավետ լուծում գտնելու ցանկացած իրադրության, որովհետև անկանխատեսելի դեպքերը շատ են: Մարդիկ կարող են շփոթել իրենց համարները, կորցնել վճարման քարտերը կամ իրերը. հազար ու մի պատմություն: Նման դեպքերում հյուրանոցի անձնակազամը պետք է համբերատարություն ու պրոֆեսիոնալիզմ դրսևորի, նաև հումորի զգացում: Ընկերական լինելն այս ոլորտում նույնպես կարևոր է, բայց այն պետք է ցուցաբերվի պրոֆեսիոնալիզմի հետ:
Փաստորեն, գիտակ անձնակազմը, լավ սնունդը, ապահով և հանգստաբեր սենյակը էլ ավելի հաճելի են դարձնում մարդկանց ճանապարհորդությունը, իսկ այս ամենի հետևում կանգնած են և պետք է կանգնած լինեն հյուրանոցային մենեջերները:
Հյուրանոցային մենեջերները ամեն տարի շփվում են հազարավոր զբոսաշրջիկների հետ: Զբոսաշրջիկները պահանջկոտ են, քմահաճ, նրանք գումար են ծախսում հյուրանոցային ծառայությունների համար` փոխարենը պահանջելով որակ, պատասխանատվություն և ջերմ ու գեղեցիկ ժպիտ:
Մենեջերները բազում պարտականություններ ունեն, որոնցից առաջնահերթը հյուրանոցի արդյունավետ կառավարումն է: Մենեջերի պարտականությունը նման է բժշկի մասնագիտությանը: Ամեն մի խնդրի դեպքում նրան կարող են կանչել, այն էլ` ցանկացած ժամի:
Կազմակերպչական, ֆինանսական, հաղորդակցական հմտությունները` համակցված անձնային որակների հետ, անհրաժեշտ են ամեն մի մենեջերի: Ինչպես կաշխատի հյուրանոցի անձնակազմը, ինչպիսին կլինի աշխատանքային մթնոլորտը, աշխատողների հարաբերությունները, այս ու այլ բազմաթիվ պարտականություններ դրված են հյուրանոցի մենեջերի ուսերին:
Դժվար լինելու հետ մեկտեղ հյուրանոցային կառավարումն անչափ հետաքրքիր է, որովհետև ամեն օր գործ ունես հետաքրքիր, անծանոթ, հայտնի մարկանց ու մարդկային գրեթե բոլոր տեսակների ու որակների հետ: Ի վերջո, որակյալ կառավարումը մեծ շահույթ կարող է ապահովել հյուրանոցին, իսկ մշտական հաճախորդ ունենալու հնարավորությունները բազմակի մեծանում են` կախված զբոսաշրջիկի գոհ լինելու և առաջին տպավորությունից, իսկ առաջին տպավորությունը, ինչպես ասում են, ամենակարևորն ու երկարատևն է հյուրանոցային կառավարման մեջ:
«Regent» Կրթախորհդատվական կենտրոն | www.regent.am