Մալդիվյան կղզիներում հյուրանոցն առաջարկում է Instagram-բաթլերի ծառայություն

Մալդիվյան կղզիներում գտնվող հյուրանոցի հյուրերը կարող են օգտվել շատ անսովոր ծառայությունից․ հյուրանոցի ղեկավարությունը առաջարկում է անձնական սպասավորի օգնություն, ով հիանալի լուսանկարներ կստանա Instagram սոցիալական ցանցի համար։

Ծառայությունների այս փաթեթը ներդրվել է Conrad Maldives Rangali Island հյուրանոցում։  Վճարելով Instagram Butlers ծառայության համար՝ հյուրերը կայցելեն արշիպելագի ամենագեղեցիկ և տեսարժան վայրերը անձնական լուսանկարչի ուղեկցությամբ։ Instagram-բաթլեր անունը կրող հյուրանոցային աշխատակիցը կստեղծի լավագույն լուսանկարները (օվկիանոսում, լողափին, Ithaa ստորջրյա ռեստորանում և այլ վայրերում), որոնք կզարմացնեն հայտնի հավելվածի օգտատերերին։

Հյուրանոցի հաճախորդները նաև կարող են օգտվել լուսանկարչի ծառայություններից մարզասրահում մարզվելիս, արշավելիս կամ ռոմանտիկ ընթրիքի ժամանակ։

Այս անսովոր գաղափարը ծագել է հենց հյուրանոցի աշխատակիցների գլխում, ովքեր ամեն օր հետևում են իդեալական կադրեր որսացող իրենց հյուրերին։ Բացի այդ, Մալդիվյան կղզիները տարեցտարի զբաղեցնում են առաջին հորիզոնականները սոցիալական ցանցերի օգտատերերի շրջանում հայտնի հանգստավայրերի ցանկում։