Փարիզում հյուրանոցը առաջարկում է շոփինգ կատարել` առանց համարից դուրս գալու

Փարիզյան Park Hyatt Vendôme հյուրանոցը  10 Vendôme  նորաձևության ոլորտում խորհրդատվական  ընկերության հետ համատեղ  իր հյուրերի համար պատրաստել է յուրահատուկ ծառայություն, որը հնարավորություն է տալիս գնումներ կատարել` առանց սենյակից դուրս գալու:  Մասնագետների թիմը, որի կազմում են  fashion-դիզայներները և ոսկերիչները, կաշվի կառնի հյուրի բոլոր նախասիրությունները  և կընտրի ֆրանսիական և միջազգային բրենդների  հագուստի և աքսեսուարների մի քանի հավաքածու ցանկացած ճաշակի տեր մարդու համար: 

Ծառայությունը ներառում է զգեստապահարանի մասնագիտական գնահատում, հագուստի և զարդերի ընտրություն, առաջարկվող իրերի փորձում համարում, ոճաբանի խորհրդատվություն, ինչպես նաև` հնարավորություն գնելու իրեր տեղական դիզայներներից անհատական պատվերով: Մանրամասն տեղեկություններ ստանալ, գինն իմանալ և ամրագրել ծառայությունը կարելի է հյուրանոցի կայքում: