Լեգենդար հոլիվուդյան հյուրանոցային Millennium Biltmore բրենդը 2013 թվականի հենց սկզբին կունենա իր հյուրանոցը Աբու Դաբիում: Այս մասին հայտարարվել է Arabian Travel Market ցուցահանդեսին:
Լոսանջելեսյան Millennium Biltmore-ը ԱՄՆ-ի ամենակուլտային հյուրանոցներից մեկն է: Այն իր հարկի տակ հյուրընկալել է բազմաթիվ կինոաստղերի: Ինչպես նաև` այստեղ նկարահանվել են այնպիսի ֆիլմեր, ինչպիսիք են «Ուրվականների որսորդները», «Անկախության օրը», «Գողություն իտալական ձևով» և «Չայնաթաունը»:
Հոլիվուդյան հյուրանոցը ար-դեկո ոճում ստեղծվել դեռևս 1923 թվականին և միանգամից դարձել է շքեղության սիրահարների ամենասիրելի վայրը: Biltmore-ի չորս ռեստորաններն ու բարերը մինչ այսօր գնահատվում են ողջ աշխարհի համադամասերների կողմից, հայտնում է Independent-ը:
Ապրանքանիշի նոր հյուրանոցը կկառուցվի Աբու Դաբիում` Al Bateen շրջանում: Biltmore-ի հարևանությամբ տեղակայված են Sheraton, Hilton, InterContinental և Emirates Palace հյուրանոցները: Ապրելավարձը օրական կկազմի 279 դոլար:
