Լոնդոնյան հայտնի Չայնա թաունը կարող է վերանալ 5 տարուց։ Փորձագետները եկել են այս երզրակացության՝ հիմնվելով Վեստ-էնդ թաղամասի վարձավճարների մշտական աճի վրա, որը աստիճանաբար դուրս է մղում ասիական ռեստորաններին։
Չայնա թաուն փողոցը, որը գտնվում է Սոհոյի և Լեստեր-սքուերի միջև, մեծ ժողովրդականություն էր վայելում ինչպես տեղաբնակների շրջանում, այնպես էլ՝ զբոսաշրջիկների, անցած դարի 50-ական թվականներից սկսած։ Ռեստորաններից մեկի սեփականատերը, ով Հոնգկոնգից Լոնդոն է եկել 50-ականներին, բողոքել է, որ հաստատության տարեկան վարձավճարը աճել է 66 հազար GBP մինչև 245 հազար GBP։
Վարձավճարի աճով պայմանավորված՝ շատ ասիական հաստատություններ արդեն փակել են իրենց դռները։ Եթե այդ տենդենցը պահպանվի, Մառախլապատ Ալբիոնի մայրաքաղաքը կարող է կորցնել իր տեսարժան վայրերից մեկը առաջիկա մի քանի տարվա ընթացքում։