Hilton Worldwide ընկերությունը Չինաստանում բացել է 4000-րդ հյուրանոցը

Hilton Worldwide հյուրանոցային ընկերությունը Չինաստանի Հեբեյ նահանգում բացել է իր «հոբելյանական» Hilton Shijiazhuang հյուրանոցը, տեղեկացնում է Lenta.ru-ն։

Ընկերության տվյալներով՝ 2007-ից ի վեր ընկերությունը բացել է ավելի քան նոր 1100 հյուրանոց։ Մոտակա տարիներին Հիլթոնը պատրաստվում է գործարկել մոտ 1000 նոր օբյեկտ՝ 176.000 համարներով։

Hilton Worldwide ընկերությունը հիմնել է Քոնրադ Հիլթոնը 1919-ին։ Ընկերության հյուրանոցները գտնվում են աշխարհի 90 երկրներում։ Ընկերությունը ներառում է այնպիսի ապրանքանիշեր, ինչպիսիք են՝ Waldorf Astoria Hotels & Resorts-ը, Conrad Hotels & Resorts-ը, Hilton Hotels & Resorts-ը, DoubleTree by Hilton-ը, Embassy Suites Hotels-ը, Hilton Garden Inn-ը, Hampton Hotels-ը, Homewood Suites by Hilton-ը, Home2 Suites by Hilton-ը և Hilton Grand Vacations-ը։ Ընկերության միակ սեփականատերը Blackstone Group-ն է։ Աղբյուրը՝ Banker.am