Անգլիացի գրող Ջոան Ռոուլինգի հայտնի վիպաշարի բոլոր երկրպագուները ծանոթ են անհավանական ախորժալի ուտեստների նկարագրությանը, որն առաջարկվում է Հոգվարթսի կախարդական դպրոցի աշակերտներին։
Թանգարանի հյուրերին առաջարկվում է նախաճաշ մի հաստատությունում, որը նույնությամբ ստեղծված է Հոգվարթսի Մեծ սրահի նման։ Գրքում նկարագրված Pixie Puffs և Cheeri Owls եգիպտացորենի փաթիլներից բացի այցելուներին կառաջարկվի շիլաների մի քանի տեսակ (այդ թվում՝ հայտնի անգլիական կերամաթով շիլան), կրուասաններ, կեքսեր, նրբերշիկ, յոգուրտներ, թարմ հատապտուղ և խմիչքներ։
Տոմսի արժեքը (75 ֆունտ ստերլինգ երեխաների համար, 90՝ մեծահասակների) նաև ներառում է մուտքը ստուդիայի մյուս սրահներ, նախաճաշի լուսանկարները, հուշանվերներ և մեկ գավաթ գարեջուր։ Այցելուները նաև կարող են տեսնել ստուդիայի նոր սրահը, որն իրենից ներկայացնում Հարրի Փոթերի մանկության տան կրկնօրինակը։ Նախաճաշին կարելի է մասնակցել 2016 թվականի օգոստոսի 21-ից 28-ին, տոմսերը վաճառքի են հանվել հուլիսի 6-ից Warner Bros-ի պաշտոնական կայքում։