Վինձորում անցկացվել է Հարրիի և Մեգանի հարսանեկան արարողության փորձը

Քաղաք են ժամանել լրագրողներ և ավելի քան հարյուր հազար մարդ ամբողջ աշխարհից։

Զբոսաշրջիկներն ու տեղաբնակները կարողացել են հետևել, թե ինչպես են զինվորականները օգնել անցկացնել հարսանեկան արարողության շքերթի փորձը։ Դրան մասնակցել է ավելի քան 250 գվարդիացի․ հայտնում է  BBC-ն։

Վինձորյան ամրոցում գտնվող Սուրբ Գեորգիի եկեղեցում պսակադրությունից հետո արքայազն Հարրին և Մեգան Մարկլը կշրջեն քաղաքով 25 րոպե բաց տանիքով Ascot կառքով։

Թագավորական հեծելազորը կուղեկցի նորապսակների կառքը, որը կտանեն   չորս մոխրագույն վինձորյան նժույգները։