Այս տարվա հունիսի 12 -ից հուլիսի 13-ին Բրազիլիայում կանցկացվի հոբելյանական 20-րդ Ֆուտբոլի աշխարհի առաջնությունը: Մենք ձեզ կպատմենք այն մասին, թե որ մարզադաշտերում են տեղի ունենալու ֆուտբոլային մենամարտերը, որ բարեր կարելի է այցելել, ինչ վերցնել ձեզ հետ և ուր այցելել խաղերից բացի ընդունող տասներկու քաղաքներում:
Պորտու Ալեգրի
Մարզադաշտ
50-հազար տեղանոց «Բեյրա Ռիոն» կընդունի Ֆուտբոլի աշխարհի առաջնության հինգ խաղ: Սա բրազիլիայի միակ մարզադաշտն է, որի շինարարության վրա ակտիվորեն աշխատել են նաև երկրպագուները: Ավելի վաղ նախատեսվում էր, որ արենայի տարողունակությունը կկազմի ավելի քան 100 հազար մարդ, բայց ՖԻՖԱ-ն պահանջեց փոխել պլանները, որպեսզի մարզադաշտը համապատասխանի միջազգային ստանդարտներին:
Սառը գարեջուր
Պորտու Ալեգրին բաղկացած է հիանալի բարերով երեք հիմնական շրջաններից՝ Պատմական կենտրոն, բոհեմական և ավանդական Cidade Baixa, ինչպես նաև՝ վառ Moinhos de Vento: Մարզադաշտին ամենամոտը գտնվում է առաջինը: Քաղաքում կան բազմաթիվ գարեջրագործարաններ, որոնք պատրաստում են գարեջուր: Այցելեք Toca da Coruja, որտեղ արտադրում են համանուն գարեջուր, որը համարվում է լավագույնը Բրազիլիայում:
Եղանակը
Ֆուտբոլի աշխարհի առաջնության ժամանակ Պորտու Ալեգրիում անպայման կլինեն մի քանի բավականին ցուրտ օր, երբ օդի ջերմաստիճանը կարող է իջնել մինչև հինգ աստիճան:
Ի՞նչ է իրենից ներկայացնում Պորտու Ալեգրին
Պորտու Ալեգրին համարվում է բրազիլական գաուչոների շրջանի մայրաքաղաքը, այդ պատճառով հենց այստեղ է գտնվում հիմնական ժամանցը, որից դուք երբեք չեք հոգնի. դա սթեյք հաուսներ այցելությունն է: Եթե ցանկանում եք համտեսել Բրազիլիայի լավագույն խորովածը, ապա միանշանակ պետք է այցելել Na Brasa: Բացի այդ, Պորտու Ալեգրիում կան բազմաթիվ վառ մշակութային տեսարժան վայրեր, որտեղ կարելի է այցելել Bike PoA համակարգի հեծանիվներով:
Քաղաքի շրջակայքը
Քաղաքից ընդամենը երկու ժամվա հեռավորության վրա է գտնվում Vale dos Vinhedos-ը՝ Բրազիլիայի լավագույն գինեգործական շրջանը: Այստեղի փրփրու գինին թեև այդքան էլ հայտնի չէ, քան նրա չիլիական և արգենտինյան «կոլեգաները», բայց նույնպես ստանում է գերազանց գնահատականներ փորձագետների կողմից վերջին տարիներին: Ավելի ակտիվ հանգստի համար հարմար կլինեն Ապարադոս Դե Սերա և Սերրա Ժերալ ազգային պարկերը, որտեղ գտնվում են երկրի ամենամեծ կիրճերը:
Մանաուս
Մարզադաշտ
«Ամազոնիա» մարզադաշտի ճարտարապետները ոգեշնչվել են Ամազոնի արևադարձային անտառներով, որոնք շրջապատում են Մանաուսը: Մարզադաշտի մետաղյա վանդակավոր կառուցվածքը մշակվել է այնպես, որ հիշեցնի տեղական ավանդական զամբյուղը, որից օգտվում են տեղաբնակները: Մարզադաշտը նախատեսված է 44 հազար տեղի համար, գտնվում է Պոնտա Նեգրա շրջանում՝ քաղաքի կենտրոնից քիչ հեռու, և կընդունի առաջնության չորս խաղ:
Սառը գարեջուր
Մանաուսի «ամենաբարային» թաղամասերը Ադրիանապոլիսն ու Կաշոերինյան են: Եթե դուք փնտրում եք սպորտային բարեր, ապա ձեզ հարմար կլինեն Touchdown-ը և Cachaçaria da Dede-ն:
Եղանակը
Մանաուսում ջերմաստիճանը ամբողջ տարվա ընթացքում տատանվում է +23…+27°С շրջանում: Բայց առաջնությունը տեղի է ունենալու անձրևների սեզոնին:
Ի՞նչ վերցնել ձեզ հետ
Անձրևանոց և մժեղների դեմ դեղ. սրանք Մանաուսում առաջին անհրաժեշտության իրերն են:
Ի՞նչ է իրենից ներկայացնում Մանաուսը
Աշխարհի առաջնության անցկացման շրջանը համընկնում է ամենամյա Boi-Bumbá փառատոնի անցկացման շրջանի հետ, որը ամազոնյան կառնավալ է, որը ներառում է բրազիլական ռիթմեր՝ տեղական պարերով: Այցելեք Մանաուսի Օպերային թատրոն, փորձարկեք ձեր ամրությունը CIGS ճամբարի բանակային վարժանքներում, որը գտնվում է ջունգլիներում, դարձեք զարմանալի բնական երևույթի վկան՝ Ռիո Նեգրո գետի մուգ ջրերի և Սոլիմոես բաց շագանակագույն հոսքերի միաձուլմանը, որոնք չեն խառնվում ավելի քան 6 կմ երկայնքով, և ստեղծեք ձեր սեփական արահետը Janauari էկոլոգիական այգում:
Քաղաքի շրջակայքը
Այն ամենը, ինչ գտնվում է քաղաքից դուրս, կարող է դառնալ այն «բանալին», որի օգնությամբ դուք կբացահայտեք Ամազոնի բոլոր գաղտնիքները: Եթե դուք ցանկանում եք զգալ ձեզ իսկական հետազոտող, ապա անհրաժեշտ է տեղ ամրագրել նավակում և մասնակցել Ամազոնով արշավին կամ ողջ մնալու դասընթացնել անցնել ջունգլիներում:
Նատալ
Մարզադաշտ
«Արենա դաս Դունասը» նախատեսված է 45 հազար տեղի համար և կդառնա ֆուտբոլի աշխարհի առաջնության չորս խաղերի անցկացման վայրը: Մարզադաշտի նախագիծը, որը բարձր գնահատական է ստացել ՖԻՖԱ-ի փորձագետներից, ներառում է առևտրի կենտրոնը, հյուրանոցը և արհեստական լիճը:
Սառը գարեջուր
«Ուտելու» համար այցելեք Mangai անունը կրող հաստատությունը, իսկ «գարեջրային ֆուտբոլի» համար՝ Bar Original:
Եղանակը
Հունիսին օգոստոս Նատալում սպասվում են հաճախակի անձրևներ, բայց ջերմաստիճանը չի իջնի 22-ից:
Ի՞նչ վերցնել ձեզ հետ
Ձեզ հետ տարեք թեթև հագուստ, ինչպես նաև՝ ամառային հողաթափեր ավազի թմբերի վրա զբոսնելու համար:
Ի՞նչ է իրենից ներկայացնում Նատալը
Նատալ քաղաքի մասին ցանկացած հիշատակում պետք է սկսվի «ֆորրո» բառով. դա զարմանալի ռիթմիկ երաժշտություն է, որը Բրազիլիայում մեծ ժողովրդականություն է վայելում: Այդ պատճառով դուք չեք կարող խուսափել ֆորրոյի հնչյունների ներքո անցկացվող երեկոներից այնպիսի վայրերում, ինչպիսիք են՝ Rastapé-ն և Forró do Turista-ն. այստեղ ձեզ կսովորեցնեն պարել կրքով և նվիրվածությամբ: 
Քաղաքի շրջակայքը
Քաղաքից դուրս՝ հյուսիսից հարավ ձգվում են հիանալի լողափեր: Ամենահայտնի վայրը այստեղ համարվում է Պիպան, որը նախկինում եղել է հիպպի գյուղ, որտեղ կարելի է ամեն օր հետևել դելֆիններին:
Եթե անգամ ձեզ համար ֆուտբոլը ոչինչ չի նշանակում, վարտիքներով 22 տղամարդիկ դաշտում ձեզ մոտ որևէ էմոցիա չեն առաջացնում և դուք չեք խենթանում, երբ գնդակը հայտնվում է դարպասում, ֆուտբոլային Բրազիլիան ամեն դեպքում կընդունի ձեզ գրկաբաց: Չէ որ սա իսկական արևադարձային դրախտ է, որը ստեղծել են իսկապես երջանիկ մարդիկ: