Հունաստանում 2018 թվականի հունվարի 1-ից կգանձեն հարկ ճանապարհորդներից։ Այս մասին հայտնում է Ռուսաստանի տուրօպերատորների ասոցացիան։
Հարկի չափը տարբեր կլինի՝ կախված նրանից, թե որտեղ կբնակվի զբոսաշրջիկը։ Ամենից շատ սպիտված կլինեն վճարել հինգաստղանի հյուրանոցում կանգ առած զբոսաշրջիկները՝ համարում անցկացրած ամեն գիշերվա համար 4 եվրո։ Չորսաստղանի հյուրանոցների հաճախորդները գիշերվա համար կվճարեն 3 եվրո, երեքաստղանիներինը՝ 1,5 եվրո։ Ամենից քիչ կվճարեն մեկ և երկու աստղ ունեցող հյուրանոցի բնակիչները՝ կես եվրո։
Բացի այդ, բնակությունը երեքսենյականոց բնակարանում կարժենա մեկ գիշերվա համար 0,5 եվրո։ Նրանք, ովքեր հանգստանալիս կբնակվեն չորսենյականոց բնակարանում, արդեն կվճարեն 1 եվրո։
Հարկը կգանձվի բոլոր զբոսաշրջիկներից՝ և կազմակերպված տուրով եկած, և ինքնուրույն, անկախ սեզոնից։
Այս հարկը հանդիսանում է այս տարվա մայիսին Հունաստանի խորհրդարանի ընդունած կոպիտ էկոնոմիկայի միջոցների փաթեթի մի մասը։
Հուլիսի 1-ից զբոսաշրջային հարկ են գանձում նաև Իսպանիայից պատկանող Բալեարյան կղզիները՝ Մայորկան, Իբիցան, Մենորկան և Ֆորմենտերեն։ Կախված սեզոնից և բնակության վայրից՝ հյուրերը պետք է վճարեն 0,25-ից 2 եվրո հարկ մեկ գիշերվա համար։ Այդ միջոցները կուղղվեն կղզիներում զբոսաշրջային ենթակառուցվածքների պահպանմանը։