Գերմանիա. Բեռլինյան հյուրանոցը անքնությամբ տառապող հյուրերին առաջարկում է հատուկ սենյակներ
Բեռլինյան Swissôtel Berlin հյուրանոցը խոստանում է անքնությամբ տառապող հյուրերին քնեցնել: Մարտ ամսից հյուրանոցում հնարավոր կլինի վարձակալել հատուկ քնեցնող սենյակ: Առաջարկվում է հատուկ ծառայություն. լեռնային օդ, հանգստացնող ըմպելիքներ, լուսային թերապիա: Համագործակցելով բժշկական փորձագետների և Քյոլնից քունը հետազոտող Միխայիլ Ֆելդի հետ` հյուրանոցը մշակել է սթրեսով և անքնությամբ տառապող հաճախորդների համար նախատեսված Deep Sleep համակարգը:
«Deep Sleep –ը հանգստացնող և քնեցնող մեթոդների համադրություն է»,-ասում է Ֆելդը: Նախքան մահճակալին պարկելը հաճախորդին տալիս են շոկոլադով տաք ըմպելիք և նա 30 րոպե շնչում է լեռնային թարմ օդ: Ապացուցված է, որ թարմ օդը թուլացնում է, թեթևակի հոգնածություն է տալիս օրգանիզմին: Ննջասենյակից լավանդայի բույր է գալիս:
Երբ հաճախորդը պարկում է անկողնում հատուկ սարքը ծովային ալիքների ձայն է հանում, որոնք օժանդակում են օրգանիզմին հանգստանալու և քնելու: Առավոտյան հյուրը կստանա դեղաբույսերով սառը ըմպելիք և կես ժամ կանցկացնի 10 000 հատ լյուքս լույսերի ներքո, որը պայծառ արեգակի տպավորություն է թողնում: